又係 Banana Bread

佢就係我同老公今朝嘅早餐。 無錯﹐ 又係 Banana Bread﹗

一來老公鐘意食﹔二來容易整﹔三來每次買香蕉都一定食到差不多爛都食唔晒﹐唔想嘥啲香蕉咪將佢哋"轉化"成香蕉蛋糕囉。

P先生的生日蛋糕

11月8日係P先生嘅生日﹐整咗Tiramisu俾佢做生日蛋糕。 呢個係第五個我陪佢過嘅生日﹐我希望我可以陪佢過佢以後嘅每一個生日﹗

細佬的生日蛋糕

呢個係我送俾細佬嘅生日蛋糕。 綠茶海綿蛋糕+紅豆忌廉。 味道應該都唔錯架﹗

Happy Birthday To Me.......

呢個係細佬同佢女朋友送俾我嘅生日蛋糕!



我一向都唔係特別鍾意貓貓。不過細佬同佢女朋友養呢隻貓貓真係好得意﹗ 佢一見到人﹐就會用個身挨向你﹐好嗲﹐好cute﹗ 佢仲有個好型嘅名 --- Massimo﹗


呢堆朱古力係送俾自己嘅生日禮物﹗


生日個日買咗我最鍾意食嘅壽司﹗



呢束花係P先生送俾我嘅﹗ 我成日話佢唔送花俾我。 唔知係唔係我講得多﹐ 所以佢送束花俾我﹐ 等我唔好再講﹐ 哈哈﹗

P.S. 多謝各位好友送嘅生日禮物﹗ 每一份我都好鍾意﹐ 因為每一份都係你對我嘅心意﹗ 謝謝﹗﹗

焗蜜桃芝士蛋糕

之前已經整過士多啤梨同藍莓味嘅焗芝士蛋糕。 今次用咗蜜桃﹐ 再加上蜜桃jam﹐ 好味﹗

Sa姐的生日蛋糕

上星期五係Sa姐生日﹐我地一班好友係前兩日先幫佢慶祝﹗ 我當然整咗個home made生日蛋糕俾佢啦﹗呢個係雙層芝士蛋糕; 上層係豆腐芝士凍餅﹐下層係焗芝士蛋糕。 Happy Birthday Sa姐 ﹗﹗﹗

白朱古力士多啤梨芝士凍餅

星期五晚﹐一班好友黎到屋企﹔ 大家過了一個有嘢食﹐有計傾嘅愉快晚上﹗ 我整了呢個白朱古力士多啤梨芝士凍餅招呼朋友﹗

再黎牛肉餡餅 ﹗

今日再整牛肉餡餅。 無特別原因﹐ 只係想食﹗

照燒牛仔骨定食

無無聊聊嘅情況下﹐ 整咗照燒牛仔骨定食做晚餐。 有麵豉湯﹐芝麻醬蟹柳沙律﹐同照燒牛仔骨﹗

上海炒年糕

上海年糕係其中一樣我鐘意食嘅食物﹐可能因為自己係上海人(雖然一D都唔似)。 小時候每逄年初一都會返爺爺嬤嬤到拜年。 上海年糕一定係其中一樣食物﹐有炒嘅又有湯嘅﹐好好味﹗ 爺爺仲在生嘅時候﹐佢係新年前就會買定一大桶一條條浸係水到嘅新鮮上海年糕。 我最鐘意係玩桶水裡面D年糕﹐ 哈哈﹗ 我諗我煮嘅上海炒年糕﹐永遠都無爺爺嬤嬤煮嘅咁好味。

扎肉米紙卷

米紙=越南春卷皮。 米紙要浸咗水先用得﹐浸咗水之後就會變成煙韌同透明﹔ 再炸就會變成脆卜卜。 怕肥嘅我當然唔會炸啦﹐ 煙煙韌韌都一樣咁好味。 做頭盤或主菜都得架﹐而且鍾意食任何餡料都可以包入去。 我今次包咗扎肉﹐青瓜﹐米粉。 用咗甜醬+花生醬做醬汁﹐ 好味。

唔該﹐一個綠茶鮮奶酪外賣

某日﹐ 係公司收到細V嘅msn。 佢話有D掛住我上次整佢俾食嘅綠茶鮮奶酪﹗ 所以。。。 一個綠茶鮮奶酪外賣送到﹗

奶酥厚土司&夏威夷pizza厚土司

好友何師奶進貢左D奶酥俾我﹐ 今日急不及待去買方包整奶酥厚土司。 但係又怕如果晚餐只係得甜嘅土司﹐P先生會投訴﹐ 所以就整埋鹹嘅夏威夷pizza厚土司。 結果P先生話件奶酥厚土司好味﹐ 但就一句都無讚過件夏威夷pizza厚土司。 激氣﹗﹗

沙爹串燒雞

好好味﹐ 我地花左十五分鐘已經"清理"晒十一支串燒﹗ 哈哈﹗

焗藍莓芝士蛋糕

今日我嘅心情實在唔太好。 一早返工就有麻煩事﹐到幾乎放工至暫時解決。 放工只係想快D返屋企焗個蛋糕﹐將所有唔開心嘅嘢都唔諗﹐只係一心想焗好個蛋糕。 呢個蛋糕係何師奶嘅柯打。 因為佢話上星期個焗士多啤梨芝士蛋糕好味﹐ 但係都想試吓藍莓味﹐所以就整左焗藍莓芝士蛋糕。 希望佢會鍾意啦﹗ 焗完之後﹐心情都好左好多﹗

Happy Birthday To You﹗

To P先生:

生日快樂﹗ 呢個係我第一個送比人嘅生日蛋糕﹗ 賣相還可以﹐味道就。。就。。仲有好大嘅空間可以改進﹗ 我應誠你下一年嘅生日蛋糕﹐ 一定會比今年呢個好味﹗

愛心水餃和燒賣

今日整左水餃同燒賣。 因為P先生想食水餃。 而我見佢每次飲茶﹐都會叫燒賣食。 而且兩樣嘅材料都差唔都﹐ 所以一次過整兩樣﹗


愛心水餃﹗(生o架﹐要蒸熟先食得o架﹗)








愛心燒賣﹗(都係生o架﹗)

韓式醬汁。。。 新發現

係supermarket發現到呢隻韓式醬汁。 雖然寫住只可醃牛肉。 但用o黎醃雞排都非常一流。 仲比我發現成分中有pear puree ﹐所以有少少甜味添。






P.S. : I had this song in my mind all day, I finally know the name of the song - 遲來的春天

望見你一生都不會忘
惟嘆相識不著時
情共愛往往如謎 難以猜破
默強忍空虛將心去藏
強將愛去淡忘
矛盾繞心中沒法奔放