照燒牛仔骨定食

無無聊聊嘅情況下﹐ 整咗照燒牛仔骨定食做晚餐。 有麵豉湯﹐芝麻醬蟹柳沙律﹐同照燒牛仔骨﹗

已經四月了﹗

搬入新屋已經差不多一個月﹐ 一切總算整得七七八八了﹗ 至於減肥。。。 我仲未去買個磅磅下自己幾重啊﹗ 哈哈﹗

有咗個又大又靚嘅廚房﹐ 我又點會忍到手唔整嘢食﹗ 前幾日整咗個香橙雪芳蛋糕﹐原因係超級市場D橙減價﹐ $3.88有一大袋(大約15個)﹐師奶嘅我當然唔會錯過﹗ 不過係食極都食唔晒嘅情況下﹐ 唯有用D去整蛋糕囉﹗


尋晚同P先生嘅一席話﹐發現原來我好多時對一D小事太緊張同over reacted。 其實我諗我係知道﹐ 只係我無諗到原來係會影響到身邊嘅人。 寄然知道﹐我會嘗試去改﹐ 最低限度我唔想影響到其他人。 要去學習放鬆D﹐ 唔好太緊張﹗

3 月 = 搬屋月 = 減肥月

不經不覺已經3月﹐我地係差不多一年前買嘅新屋終於係兩個星期前收到鎖匙啦﹗ 隨之以來嘅係一連寸嘅小裝修﹐等送傢私﹐清潔等等。。。 每日都忙於新屋,現居兩邊走﹐好攰﹗ 下星期終於會搬入新屋﹐太開心啦﹗ 呢間屋嘅所有嘢都係我同P先生一手一腳"簡"架﹗ 我諗我地起碼有20年住係呢間屋到﹐因為我地個mortgage有20年咁長﹐哈哈﹗

又因為近排忙於新屋嘅嘢﹐所以根本無時間煮飯或者整嘢食。 大部分嘅時間都係食外賣﹐所以肥咗好多﹐又係時候減肥啦﹗ 暫時要同D蛋糕甜品"忍著淚說goodbye"﹗

情人節的一條龍服務

今日至寫情人節嘅事﹐實在有D遲。 不過前幾日真係好忙﹗

我今年送俾P先生嘅係"一條龍服務"﹗ 我祕密地整咗早餐同午餐俾佢﹐ 都算係小小嘅surprise﹗





呢個係黃梅"心"蛋糕﹐ 一件裝﹐佢嘅早餐﹗








午餐係佢嘅至愛﹐咖喱牛腩飯﹗















晚餐整咗白酒焗青口同泰式烤羊架。












晚餐當然要有甜品啦﹗ 都係佢嘅至愛﹐ "心心"椰汁紅豆糕﹗




其實我地一向都無特別慶祝情人節。 不過今年我想俾小小surprise佢﹐哈哈﹗ 佢真係surprise架﹐仲問我幾時整咗咁多嘢添﹗ 佢都俾咗個小小嘅surprise我﹐ 佢送咗一盒朱古力比我﹗ 我無諗住有禮物收架﹗

Happy Valentine's Day!

Happy Valentine's Day!

P.S.: Our company is handing out HUGS and KISSES chocolate and Timmy's coffee/tea/hot chocolate to celebrate Valentine's day. The whole office smells like Timmys now, haha!