草地樹林

萬寧廣告

2009-12-07T12:40:00.002-05:00

一個我係香港睇一次就會笑一次嘅廣告﹗放心﹐我係鐘意個小妹妹﹐唔係個靚仔哥哥﹗

我嘅鹹柑桔project - Day 1

2009-12-06T16:16:00.005-05:00

由香港返嚟已經一個多星期，啲時差終於過去，一切又回正常。

不過患上"放假後憂鬱症"; 就算Christmas將至，我都提唔起心機。算啦，學老公話齋，我巳經"預支"晒我嘅快樂！哈哈。。。

由香港返嚟後，喉嚨一直都唔太舒服，令我想試吓自己浸鹹柑桔。記得以前婆婆有一樽鹹柑桔，有乜喉嚨痛，一定俾媽咪或婆婆迫我飲。細個嘅時侯當然覺得難飲。記得後來有一次，一覺醒來，喉嚨痛到出唔到聲。婆婆又攞出嗰樽鹹柑桔，用咗兩隻嚟沖水俾我飲。好神奇咁，唔駛半個鐘已經出得番聲！自從嗰次之後，我就愛上鹹柑桔！

今日係第一日，希望可以成功。

醃鹹柑桔嘅方法，可以睇下阿蘇介紹:
http://soszewong.blogspot.com/2009/02/sofargood_01.html

Recap of day 14, 15, 16 in HK

2009-12-02T10:04:00.004-05:00

Nov 25th, day 14th: Went to 又一城 again to pick up something. Then had lunch with Thomas, a university schoolmate, and Vikki. At night, went to 快活谷馬場 with Peter and his brother and sister. This is the first time I went to 馬場.
Discovery of the day: Food actually taste pretty good in 馬場!

Nov 26th, day 15th: Busy day, had 2 lunch asppointment and 1 dinner appointment! lol... 12:15pm lunch with Eva. 2pm lunch with my parents. Finally went to 澳洲牛奶公司 to eat one of my favour: 鮮奶燉蛋白. Then more shopping in 尖沙咀. Finally dinner with Peter's whole family.
Discovery of the day: I can't handle 3 meals within 3 hours!

Nov 27th, day 16th: Last day in HK. Had another 大家樂 breakfast, so good and so cheap. Then finished packing then go to airport. I don't wanna come back but I guess I have to.....
Discovery of the day: When you get older, you will start to miss your parents more!

Recap of day 12 and 13 in HK

2009-11-25T06:33:00.004-05:00

Nov 23rd, day 12th: Had a early lunch with Joyce and Jeff before they went to honeymoon. Then went to 海洋公園. Finally got to see the big panda. Only spend 4 hrs in 海洋公園. Then more shopping in CWB.
Discovery of the day: Panda is very cute and big! 海洋公園 has nothing much to see.

Nov 24th, day 13th: 澳門一曰遊. 其實係賭場一曰遊！
Discovery of the day: 威尼斯人賭場好大，新濠天地個天幕好靚。

Recap of day 10 and 11 in HK

2009-11-25T06:21:00.007-05:00

Nov 21st, day 10th: Spend a day with my 好姊妹思妹 for her wedding. It was very nice and sweet. At the end, I was very tired. Even though I didn't do much.
Discovery of the day: Simple is best! A wedding doesn't need to be too fancy, sometime less is more! Just like her wedding, very nice!

Nov 22nd, day 11th: Spend some alone time in the morning. Then met my parents in 元朗 and spend some family time. Dinner at 屯門黃金海岸, so nice.
Discovery of the day: I do need to have some kind of bread once a while. Without any bread for couple of days, I felt weird and crave for it like crazy!

Recap of day 8 and 9 in HK

2009-11-25T06:11:00.007-05:00

Nov 19th, day 8th: Spend a day with my mom to go shopping in 尖沙咀. Then had dinner @ 銅鑼灣千両回轉壽司.
Discovery of the day: Shopping without worry about $ is very nice. Wish that I could do that more offen!

Nov 20th, day 9th: Didn't do much that day, more shopping somewhere!
Discovery of the day: Got sick from those stupid weather. Cold outdoor, hot indoor!

Recap of day 6 and 7 in HK

2009-11-24T07:05:00.001-05:00

Nov 17th, day 6th: Finally went to see the movie 2012 @ Pacific Place AMC. Then dinner with Bit哥, Bit嫂, Joyce, Jeff @ CWB 住家菜.
Discovery of the day: $65.00 each for movie on Tue. It is the discount price already.

Nov 18th, day 7th: Went to apm in 觀塘，見到"黎明嫂"樂基兒。 Then went to 深井食燒鵝 with my parent.
Discovery of the day: 11 degrees in HK is very cold!

Recap of day 4 and day 5 in HK

2009-11-16T18:27:00.007-05:00

Nov 15 - Day 4 : Spend some alone time that morning @ 朗豪坊. Coz Peter had somewhere to go and I was meeting my parents in the afternoon. Then took the new (at least to me) 港鐵西線 to 元朗 to meet with my parents. End up going back to 旺角 for dinner! All u can eat 曰本料理. I suppose to meet with Peter after dinner so we can head home together, but due to 塞車， he hasn't start his dinner when I finished mine. So I end up ate with him (and his brother and sisters) again. They went to 打邊爐. I was very full from my first dinner already, I only ate couple of pieces only.
Discovery of the day: 魚生 + 打邊爐 x within 3 hrs = 肚痛咗一晚！

Nov 16 - Day 5 : Spend whole day @ 又一城. Met with 細V for 下午茶.
Discovery of the day: 唔一定要玩過山車先至feel到離心，小巴都一樣得架!

Recap of day 2 and 3 in HK

2009-11-14T18:20:00.009-05:00

Nov 13 - Day 2 : Went to MK for a while. Ate at a very good but very small place for dim sum @ MK. Then went to 紅磡 to buy Peter's 搵食工具.
Discovery of the day: GPS in iPhone works in HK too.

Nov 14 - Day 3 : Went to dim sum with my parents and 奶奶. Then planned to go watch movie 2012, but end up stuck in a very crowned CWB Sogo for over 2 hrs. It was something like Thankyou customer weeks. End up bought a bag that I planned to buy. Price drop from $950 to $590. Then dinner with Joyce and Jeff @ a very small 墨魚丸麵店. Follow by dessert @ 滿記.
Discovery of the day: Follow the flow in a very crowned place is very important. I don't remember how many times I got hit or bum by others in Sogo.

Recap of my flight and day 1 in HK

2009-11-12T17:52:00.004-05:00

Nov 11, 12:30am : on the plane.
01:30am: ate breakfast (taste very much like BK breakfast)
02:30am - 08:00am: felt asleep (but woke up like every hr, new type of plane 777 seat are very uncomfortable)
08:30am: ate dinner
10:00am - 12:00pm: went back to sleep
01:00pm: ate a cup noodle
01:30pm - 03:00pm watched Angels and Demons
04:00pm (HK time 05:00am): FINALLY arrived

Nov 12, 05:20am: Discovered that the first 機鐵 start @ 05:54am
05:54am: In機鐵
06:20am: @ 香港站 (Discover that 2 ppl can buy ticket @ group fare for $160.00 instead of $200.00)
06:25am: In a taxi
06:40am: Arrived @ 奶奶 home
01:00pm: dim sum with Peter's sister and brother.
03:30pm: Times Square @ CWB.
06:00pm: jet lag kicked in, went home.
07:00pm: dinner @ home
09:00pm: slept like a baby.

Update一下。。。

2009-10-19T13:20:00.004-04:00

一個月無update﹐等我諗諗先:

- 上星期發生了一件我unexpected嘅事情﹐都令我擔心咗好一陣。多謝老公嘅開解同體量﹐事情總算又暫時過去。我同自己講﹐還可以用金錢解決嘅事情都並不是最差。 (It is not the worst situation if money can still solve the problem.) 很阿Q吧。。。

- 剛過去的星期六又再和細V黎個"與sashimi的約會"。自己餓到相都無影就大吃起來。。。欲知詳程請看看細V嘅blog。只想同細V講 : You are my best sashimi buddy﹗ 哈哈﹗﹗

- 工作上都無乜心機做野﹐個心同個腦都已經半假了﹔只有個軀殼坐係公司hea。但係還有三星期先至放假囉﹗

- 今年嘅夏天感覺好似只有兩星期﹐之後skip咗個秋天﹔ 現在就已經直接進入冬天了﹗ 十月頭我家已經開了heat囉。但係我啲皮膚好明顯還未準備好冬天嘅來臨﹐又乾又痕﹔ 面上還有少少甩皮。睇嚟我要勤力啲做下mask同食番啲滋潤嘅湯水至得。

玫瑰玫瑰。。。

2009-09-16T13:07:00.011-04:00

我哋家個backyard有兩棵玫瑰花﹐ 一黃一白。種玫瑰係因為我同老公都好鐘意玫瑰花。而且老公話自己種玫瑰花﹐咁以後就唔駛再買花比我。。。激起﹗

第一次開嘅花(7月):

第三次開嘅花(9月):

與sashimi的約會

2009-09-16T09:18:00.004-04:00

再上個星期六﹐約了細V食lunch。佢提議不如買sashimi返屋企食﹔我當然舉手贊承啦﹗ 我哋去咗Taro's Fish買了一盤assorted sashimi($37.00)再加tamago($4.50)﹐便開開心心返屋企開餐了。

我們的lunch:

真的非常之美味﹗ 總之就係"帶子好甜﹐海膽好鮮"啦。。。哈哈﹗ 我哋已經約好10月要再食多次。 We luv sashimi﹗

解決了三分之一

2009-09-02T11:05:00.001-04:00

我嗰三個還未解決嘅問題﹐ 其中一個暫時解決了。

呢個其實係工作上嘅問題﹐無論如何﹐我份contract又再續多一年。

之前一路都plan住想係11月返香港﹐但係一日份contract未續﹐ 我都唔可以confirm。如果無咗份工﹐仲邊到有心情同$去玩喎。

點都好啦﹐ 我依家終於可以plan下我嘅十一月返港之旅啦﹗

選擇十一月返香港﹐係因為好好朋友思妹會係十一月結婚。我應承過佢﹐可以嘅話我都會出席佢嘅婚禮。

所以未來兩個月﹐要努力減肥同儲錢啦﹗

無聊對話之大白狗

2009-08-19T10:51:00.006-04:00

某日﹐ 某公園。。。

老婆:老公﹐你睇下嗰邊。。。有隻好大嘅狗。嘩﹐白雪雪架﹗ 唔知係乜嘢狗嚟嘅呢 (指品種)﹗?

老公:邊到呀?

老婆:(手指指) 嗰邊呀。。。

老公:噢 (終於睇到)﹐嗰隻呀。嗰隻咪係。。。咪係大白狗囉﹗﹗﹗﹗

老婆: 。。。 (無語。。。嘔血中。。。)

Lemon Yogurt Cake

2009-08-19T09:06:00.004-04:00

呢個酸酸甜甜嘅Lemon Yogurt Cake非常適合係近期又熱又焗嘅天氣食。下午茶嘅時候﹐一件蛋糕再加上一杯冰涼嘅飲品﹐都係一個好好嘅消暑方發。

Recipe:
http://www.foodnetwork.com/recipes/ina-garten/lemon-yogurt-cake-recipe/index.html

Unknown factor XYZ

2009-08-18T15:04:00.003-04:00

我係一個好鐘意planning嘅人﹐事無大小都plan下佢。雖然唔係每一次都會跟到足﹐ 但係我係enjoy planning個過程多於follow個plan。

近期有3件事令我唔可以plan啲事情plan得太遠﹐而且呢3件事都係out of my control﹔ 我可以做嘅事就只有等結果。我暫時叫佢哋XYZ。

XYZ係唔會影響到我嘅daily routine﹐ 但就令我唔可以plan任何比較長遠嘅事。而呢3件事嘅解決時間有長有短﹔ 由2個月到無了期。。。

放心﹐我相信任何事情都會有解決嘅一日。當事情解決嘅時候﹐ 我再話比你知係乜野一回事吧。

我很懷念的上個星期

2009-08-11T11:20:00.004-04:00

上個星期﹐真的令我很懷念。。。

雖然並無任何特別事情發生﹔但係如果每一個星期都可以同樣咁過的話﹐我係非常願意的﹗

請看看我上個星期嘅schedule:

星期一 - Civic holiday﹐放假
星期二 - 公司假期﹐放假
星期三 - 自己請假﹐放假
星期四 - 正常工作
星期五 - Work from home﹐半放假

整個星期﹐只係認真工作了一日﹔不過就出五日嘅糧﹗

如果每一個星期都好似上個星期咁就好啦﹗ (懶蟲發夢中。。。)

與DHL的一席話

2009-07-28T09:50:00.007-04:00

尋日(星期一)放工回家﹐ 門口貼咗一張DHL嘅delivery notice。話佢哋係11:10am嚟過但無人係屋企﹐聽日(星期二)會再嚟。我星期二都係唔會喺屋企﹐咁我咪打去DHL﹐ 問下佢可唔可以星期三先送嚟(我逢星期三work from home嘛)﹔ 又或者唔駛再送﹐我星期二直接去depot攞 (因為我知道個depot係喺我公司附近)。

DHL: Hello, how can I help you?

Me : 我今日收到張delivery notice﹐ 佢話聽日(星期二)會再嚟﹐ 但係我聽日都唔會喺屋企﹐ 可唔可以星期三先送嚟呢? 我嘅waybill number係123456789。

DHL: 等我check下。。。依家已經6:30pm﹐ 我通知唔到個司機囉喎﹐佢已經放咗工。我就算依家send message比佢﹐ 都唔可以guarantee佢開車前會睇到個message。

Me : 下??? 咁個司機幾點開工架?

DHL: 6:00am

Me : 咁即係話我早11個鐘頭通知你哋﹐都係改唔到個delivery schedule?

DHL: 係。。。因為個司機已經放咗工。開工前佢未必會check message。(重複講多一次之前已經講過嘅說話) 咁個司機聽日都會送多一次去你屋企﹐ 之後就會張個package送去depot。星期三你就可以pick up。

Me : 咁即係明知我聽日屋企無人﹐ 都係要送多一次?? (我已經開始唔耐煩)

DHL: 係。。。因為個司機已經放咗工。開工前佢未必會check message。(重複講第二次之前已經講過嘅說話) 仲有一個option﹐ 你可要係張delivery notice上簽名﹐ 咁個司機就會張個package放係你門口。

Me : 但係張notice寫明如果我簽咗名比個司機張個package放係門口﹐如有任何損毀或唔見﹐ DHL恕不負責喎﹗

DHL: 係﹐ 無錯。

Me : (已經已經非常非常之咁唔耐煩) 咁我當然唔會咁做啦﹗(你當我傻架)

DHL: 係。。。

Me : 咁依家即係我無野可以改到啦??

DHL: 係。。。

Me : 咁bye bye﹗﹗﹗﹗﹗

DHL: Thanks for calling DHL.

=============================================

到呢一刻﹐我都唔明點解個司機開工前唔check message﹗﹗﹗﹗﹗

I wanted that 10 minutes back﹗﹗ Such a waste of my time﹗﹗﹗﹗

Bridgestone Ad - Mr and Mrs Potato Head

2009-07-10T14:51:00.007-04:00

一個我近期好鍾意嘅廣告。每次睇到都會笑。。。

電視機驚魂

2009-07-09T14:15:00.004-04:00

尋晚食完晚飯回家﹐發覺電視機開著了(係只有雪花那種)。呢個情況已經見怪不怪﹐ 原因係因為停過電﹔ 連microwave個鐘都跳了。

當我哋再開返個電視同cable box嘅時候﹐發覺睇電視個台不停跳。我哋第一個反應係:"唔係啩﹐部電視機壞咗﹗﹗﹗"

之後再諗下﹐經我分識後﹐壞嘅可能係以下其中一樣:

- 整部電視機
- 個cable box
- 搏住電視機同cable box嘅電線(HDMI - DVI)
- 只係用嚟睇電視嗰個台

因為用來打機同睇dvd嘅台都無事﹐所以並唔係整部電視機壞。之後老公將個cable box搏去原本用來睇dvd嗰個台﹐ 又發覺個cable box無事喎。

當時已經係10點幾﹐老公話不如去Wal-mart買過條電線試下。雖然唔係好記得Wal-mart幾點關門﹐又唔肯定有無我哋需要嗰種線賣。不過我知道如果今晚唔解決呢個問題﹐老公一定會瞓唔著﹔ 所以就立刻開車去。原來Wal-mart係關11點的﹐我哋終於買了一條70多元嘅電線回家。我哋係車上不停話﹐部電視機只係壞一個台嘅機會應該好微﹔如果唔係壞條電線嘅話﹐好可能要攞去比人修理囉。

結果 (登。登。凳。凳。)﹐ 咪就係條電線出事囉﹗ 換咗條電線就無事了。

事後老公讚我醒﹐因為佢話佢唔會諗到係壞咗條電線﹗
我都有讚老公醒﹐因為我唔會諗到夜晚10點幾仲可以去邊到買電視機線﹗

經過今次﹐我發覺原來我嘅problem solving skill都唔差架﹗ 哈哈。。。

唔好返轉頭

2009-07-06T13:33:00.005-04:00

食了一星期咳水﹐我覺得我啲咳已經好得八八九九了。

啲菌千其千其唔好返轉頭。。。唔該晒﹗﹗

又咳。。。又肥。。。

2009-06-29T11:29:00.007-04:00

已經咳了3個多星期仲未好。。。究竟想點??

已經戎了口﹔無食朱古力﹐甜嘢﹐凍嘢﹔ 30多度仲飲住熱水又無雪糕食。。。究竟幾時先至好番呀??

已經戎了口但體重依然有增無減﹐肥到塊面已經圓圓的。。。究竟想點??

涼拌肉鬆皮蛋豆腐

2009-06-19T10:43:00.010-04:00

一個又易整又好味嘅菜﹐夏天送飯一流。

食譜:

嫩豆腐一盒﹐隔水﹐放碟上壓碎。拌入適量豉油﹐甜豉油﹐蔴油。
將皮蛋一隻(去殼,1開6片)﹐肉鬆﹐分放在豆腐上面。

六月六日的星期六

2009-06-08T17:01:00.032-04:00

剛過去嘅星期六﹐過了一個簡單而開心嘅生日。

多謝何師奶請我食嘅生日蛋糕﹗我哋五個人食咗六件蛋糕。一次過可以試到六款唔同味道嘅蛋糕﹐正﹗ (推介banana chocolate mousse﹐ greentea mochi mousse)

Cake from Ruelo Patisserie @ Time Square

呢位咁可愛嘅BB係何師奶嘅公子。佢依家9個月大﹐重22磅。何公子4個月大嘅時侯已經重18磅﹐抱住佢等於抱住包米一樣咁重﹗ 肥肥白白嘅何公子已經成為我哋呢堆auntie uncle嘅非禮對像。佢第一句識講嘅說話﹐好可能唔係"爸爸媽媽"﹐而係"唔好﹐stop"﹔ 哈哈﹗

晚上同老公選擇咗去Cafe Michi食我嘅生日晚餐。其實已經聽過呢間cafe幾次﹐不過一路都無機會試。一間有壽司同蛋糕嘅cafe﹐ 我兩種最喜歡嘅食物可以一次過食到﹗ 老公簡咗teriyaki chicken﹐ 我當然選擇sushi combo啦。蛋糕就選擇咗greentea cake。每樣食物都好新鮮﹐好好味。雖然價錢有少少昂貴﹐ 但係都值得試一試。多謝唔鐘意食壽司同蛋糕嘅老公陪我食咗一餐好開心嘅晚餐﹗

Cafe Michi's cake stand

Garden Salad

Miso Soup

Green Tea

Teriyaki Chicken

Sushi Combo

Greentea Cake

近幾年嘅生日﹐老公都會送上生日蛋糕﹐ 今年都唔例外﹔ 還有老公唱俾我聽嘅生日歌。。。

Mango Mousse Cake

當日係一日之內我食咗八款唔同味道嘅蛋糕﹐我諗呢個記錄都幾難打破﹗

報告隊長。。。

2009-06-02T13:33:00.008-04:00

我同老公每日都會通數次電話﹐ schedule如下:

Mon - Fri

9:30am : 我打比老公叫醒佢
12:45pm : 食完午餐嘅我打比老公
4:45pm : 放工嘅我打比老公
7:30pm : 放工嘅老公打比我

Sat - Sun

Anytime : 瞓醒覺嘅我打比老公
Anytime : 老公得閒時就會打比我

因為我返工時間比較定時﹐所以mon - fri多數都會係我打比佢。逢weekend佢比較忙﹐所以我就會等佢得閒打比我。

呢個schedule喺係我哋拍拖時不知不覺定下﹐ 一直到依家。其實我一啲都唔覺得係因為大家要向對方"報告行蹤"而打比對方﹔ 反而係可以喺一日唔同時間聽聽對方嘅聲音﹐知道對方忙唔忙﹔ 再加上一兩句鼓勵嘅說話或笑話﹐會令自己同對方開心一啲。有時候唔一定係要講"我愛你"﹔ 令對方唔需要擔心我﹐亦都係我愛老公嘅方法之一。

Strawberry Yogurt Muffin

2009-06-01T13:31:00.002-04:00

我同老公今朝嘅早餐﹐ strawberry yogurt muffin。

食譜原本用berry yogurt﹐ 但屋企只有mango peach yogurt﹐所以啲muffin仲有淡淡嘅忙果味﹐ 好有summer嘅感覺。亦都可能用咗yogurt嘅關係﹐ 啲muffin隔咗一晚依然好soft。

好可惜今朝9度嘅氣溫同summer還差很遠。。。

Comment內附食譜

與細V的生日午餐。。。台味軒

2009-06-01T11:15:00.009-04:00

Happy Belated Birthday to 細V。。。。。

尋日係細V生日﹐星期六就約咗佢同細V妹食咗餐生日午餐。因為細V話想試下食台灣便當嘅台味軒﹐所以就簡咗佢。我哋叫咗鹽酥雞飯﹐魏家炸臭豆腐﹐香菇肉焿麵﹐同花生糯米腸。魏家炸臭豆腐係佢哋嘅招牌菜(好大張poster係門口)﹐所以一定要試。啲炸豆腐個皮同香味(或臭味)﹐ 都同香港嘅臭豆腐有幾分相似﹐食落非常香口。不過都係香港街頭嘅比較有風味﹐但依然值得一試。

鹽酥雞飯就有點平平無奇﹐可能係因為當日嘅雞同飯都唔夠熱而影響咗味道。細V妹嘅香菇肉焿麵辣辣地非常開胃。花生糯米腸上有啲酸酸甜甜嘅醬汁﹐啲醬汁減少咗香腸同糯米嘅漏﹐不知不覺咁可以食多件。不過堂食座位非常有限﹐還是買外買會方便啲。

如果你唔食臭豆腐或怕臭豆腐味便不要去﹐ 因為parking lot已經有濃濃嘅臭豆腐味了﹗

(魏家炸臭豆腐 - Picture from 台味軒 website. www.weistaiwanesefoods.com)

P.S. : Thankyou 細V for your birthday gift﹗第一次係生日禮物裡面發現午餐肉﹐very suprise﹗﹗ 哈哈﹗﹗

Hurt Die Me。。。

2009-05-28T11:57:00.006-04:00

本報(蘋果日報)昨日卻接獲一封自稱是首輪面試佳麗 Lucy的英文投訴電郵，投訴當日面試時遭評判不禮貌對待，包括追問她為何參選港姐而不繼續讀書，又指她英文水準差及指其他佳麗看來又肥又矮，直指評判「 hurt die me」，及指大會「 young yao inch」、「 short yao inch」（後生又寸、矮又寸），認為無綫遴選制度不公平。

投訴信原文:

我是 Lucy, I went to Miss Hong Kong first interview. Wah d judges very not polite and not nice law. Today I see a megazine saying this year's Girls so ugly. I saw many good and pretty girls there but they didn't choose ja ma. Don't choose mei suen law but the judge in first interview-- most very not polite to many young girls and to to me law. I only 18 the judges ask me to"why join Miss HK go and why not study la u only F7 ja wor how can fright with other wor." Also say my English bad… hurt die me.
Ho La, other girl tell me la, she study in University ok ga dou but little fat or short then the judge(woman) said " why you look fat or so short!" wah ho hurt ga ma.
One girl is a博士 student ar very high level and very nice ga dou cant get in second interview la. We think she will be in ga but she said no law. You can search her pic and my pic to see la. She gum high level duo ng dak, gum me ng duk duo rite gei but i think the whole choosing is not fair law, choose model mei? young yao inch', high study level yao inch, short yao inch… They onky choose rich girl law so bad.
We don't go and let them inch ga law if they need tall or high level people then why not put in the application form lei.
Waste time!
dou ng fair gei!
u can email me if u want.
Lucy

(From Apple Daily News, May 27th)
===================================

睇完差點嘔血。。。

Send咗呢封信俾Sa仔睇。睇完之後佢嘅頭痛完全消失。。。因為差點笑死佢了﹗

Long Long Weekend Forecast

2009-05-15T09:44:00.005-04:00

今日係Victoria Day long weekend前嘅星期五﹐公司比起平時嘅星期五還要靜。大部份同事唔係請埋今日假﹐就係請咗星期二放假。至於我就請埋星期二放假咯。。。哈哈﹗

今個long long weekend將會有老公相陪﹐ 所以我特別期待。:)

星期日我哋會去Ottawa參加雲妹同佐兄嘅婚禮﹐順便可以探下婆婆。雲妹係一個做任可事都一絲不苟嘅人﹐我相信佢哋嘅婚禮一定會好靚同好perfect﹗ 希望星期日會有好天氣吧。

如果有時間﹐希望星期一可以係Ottawa睇下Tulip Festival啦。不過唔知啲花會唔會已經謝晒呢﹗?

又係 Banana Bread

2009-05-04T19:24:00.002-04:00

佢就係我同老公今朝嘅早餐。無錯﹐ 又係 Banana Bread﹗

一來老公鐘意食﹔二來容易整﹔三來每次買香蕉都一定食到差不多爛都食唔晒﹐唔想嘥啲香蕉咪將佢哋"轉化"成香蕉蛋糕囉。

到手了。。。

2009-05-04T14:03:00.012-04:00

一樣我等咗好耐嘅嘢今晚應該會到手了。。。超期代﹗﹗

~~~~~~~~~~~~~~~~~~~~~~~~~~~~~~~~~~~~~~~~~~~~~
後記:

呢盒就係我等咗好耐嘅Jenny Bakery cookie - butter cookie 4 mix

自從上次有朋友仔係香港返來後送咗一盒比我﹐我就愛上咗佢﹗ 香噴噴嘅牛油味﹐ 加上鬆化嘅質地。。。見到盒cookie嘅呢一刻﹐我已經將所有嘅減肥計劃拋諸腦後了﹗

好多謝思妹同陳生嘅通力合作﹐我至可以有好好味嘅cookie食。多謝晒呀﹗﹗

http://www.jennybakery.com/

Low fat ice-cream 推介

2009-04-30T14:21:00.007-04:00

我知﹐怕肥就咪食雪糕啦﹗ Low fat ice-cream 邊好食架。

咁無辦法﹐我同大部份人一樣﹐又為食又怕肥又易肥。如果唔係﹐又點會有咁多 non-fat or low-fat or light嘅產品喎。

夏天將至﹐ 又到忍唔到口食雪糕嘅季節。因為食過一啲太難食嘅non or low fat雪糕﹐所以我推介以下兩種都幾好味嘅 low fat ice-cream。唔想有人重滔覆轍我嘅bad experience嘛。

Nestle Skinny Cow ice-cream sandwich。有chocolate and vanilla味。個人推介vanilla味。130 calories﹐1.5 gram fat each。1 box of 5。

Breyer 100 Calorie cups。有cookies and cream﹐ english toffee﹐and chocolate brownie。個人推介cookies and cream。 100 calories﹐1.5 gram fat each。1 box of 6。

又好味又low fat嘅雪糕﹐sound perfect喎。咁代價咪就係$囉﹗ 佢地大約要$6.50 - $7.50一盒。減價時就大約$3.99 - $4.99。所以當佢地減價時﹐我係會入貨的﹗

綠茶之力

2009-04-29T17:47:00.006-04:00

哩倆杯啫喱狀嘅物體﹐ 叫做"綠茶之力"﹐係放係雪櫃用作除臭之用。我見到佢嘅時候﹐諗都無諗就買咗佢。

回到家﹐放落雪櫃﹐先發覺我家雪櫃已經有兩種唔同嘅除/防臭物品:

1) 檸檬頭尾 (阿媽古法)
2) Baking Soda

我忽然發覺﹐原來我好怕一啲怪/臭味。

如未有怪/臭味﹐我會用盡一切方法防止佢發生。
如有怪/臭味﹐我會用盡一切方法去癖除佢。

再數數我家一啲除臭或癖味或有香味嘅物品:

Febreze x 2
香葷油 x 4
蠟燭 x 好多
Air Wirk gel x 1
Diffuser x 1
Bath and Body works plug in x 1
Spray air fresher x 3
Baking Soda x 3
檸檬頭尾 x 一堆
綠茶之力 x 2

以上嘅物品全部係我家都正在使用中﹐但我一啲都唔覺得屋企有香噴噴嘅香味﹔不過起碼都應該無臭味呱﹗﹗

前面有妖孽

2009-04-24T14:12:00.003-04:00

一個係電台聽番嚟嘅故事:

話說有一個旅行團去了內地。坐車途中﹐司機忽然大叫 : 五分鐘﹐前面有妖孽﹗

下。。。有妖孽~~~

各團友神色凝重, 你眼望我眼﹐但又無人敢問點解﹗

五分鐘後﹐司機指住外面嘅油站又叫 : 哩到有妖孽﹗

(有妖孽=有油入)

我係office差啲大笑咗出聲﹗﹗﹗

一個鬧鐘沒有響的早上

2009-04-24T10:28:00.006-04:00

今早﹐忽然扎醒﹔覺得自己應該已經瞓咗好耐但又聽唔到鬧鐘響。攞起檯上鬧鐘(=手提)望一望, 下。。。唔係呱。。。無電到熄咗﹗

大近視的我立刻戴番眼鏡﹐ 係床上望下係遠啲cable box上嘅跳字鐘。嘩。。。 8:55﹗ 遲大到啦﹗

二話不說咁彈起身 (動作大得同時嚇醒了老公)﹗ 再望多次個鐘。。。原來係6:55﹗ 比起我平時仲早咗30分鐘起身。唉﹐發雞盲是也﹗

寄然如此﹐就好好享受哩30分鐘吧﹗

去了麥噹噹﹐買咗egg mcmuffin+free coffee。回公司享受了一個good breakfast﹗

P.S. : 由5:30am - 10:30am, 麥噹噹會送small coffee至May 3rd。 No purchase necessary。你係可以走入去只要一杯free coffee的 (今早我前面位人兄已經証實了是可以的)。

又再嚟過。。。

2009-04-23T14:49:00.007-04:00

停了9個月又再嚟寫過。

停寫blog﹐ 無乜特別原因。

又想寫返﹐因為此終有啲唔捨得就咁放棄﹗

同樣嘅說話﹐ 我應該已經講過一次。

狼來了嘅故事話比我知﹐ 今次好可能都係一個大話。

我好可能會係不久嘅將來張哩段說話講多次﹗

潮流小玩兒

2008-07-25T17:33:00.008-04:00

上星期四﹐老公放公回家﹐ 一入門口。。。

老公: 你個電話唔通喎。
我 : 下。。。唔係呱﹗(立刻攞起手提望一望。。。) 無事喎。
老公: 你試下打個電話啦。
我 : (打電話中。。。) 係喎﹐唔通嘅﹗
老公: (笑笑口。。。從身後攞出一袋野。。。) 因為你個新電話係哩到啊﹗
我 : (又)下。。。 (已經在打開個袋。。。)
我 : 呀~~~ iphone呀~~~

原來老公靜靜地訂咗部iphone俾我﹗佢話知我鐘意用新電話﹐而且因為識人嘅關係﹐個電話唔需要簽data plan﹐可以用回依家嘅plan﹐所以並不太昂貴。

有suprise原來好開心架﹗ Thankyou 老公﹗你就黎縱壞我架啦﹗

Canada Day之逛逛街

2008-07-03T15:46:00.008-04:00

今年Canada Day嘅假期喺星期二﹐無咗long weekend﹐除非請埋星期一假啦﹗好可惜我同老公都唔夠其他同事快﹐ 哈哈﹗ 無所謂吧﹐反正我地都無乜plan﹗

結果我地去咗Eaton Center行街街。無特別目的﹐ 只係想搵個地方逛一逛。攰了﹐買了飲品坐係公園抖一抖。抬頭一望﹐有好綠油油嘅樹葉﹐又有藍天白雲。咁舒服嘅環境﹐我諗呢個就係我地留係加拿大嘅原因吧﹗

今年我生日。。。

2008-06-21T17:32:00.001-04:00

今年我生日﹐年齡上踏入一個全新嘅階段。呢個數字話比我知﹐我唔可以再用"我仲細"做藉口。。。

今年我生日﹐ 我想同每個記得我生日﹐同我講過生日快樂﹐送過生日禮物俾我嘅朋友講 : Thankyou very much﹗ I love you all﹗

今年我生日﹐ 老公如常地送上生日蛋糕﹐ 如常地同我講"唔知買乜嘢生日禮物比你好﹐你自己簡吧"﹐ 如常地比我笑佢無誠意同無心思。。。但係只要每一年"如常地"有老公陪我過生日就已經足夠﹗ 因為近期呢個世界話比我地知﹐可以每日如常地生活﹐已經係一種恩賜。

老公送的生日蛋糕:

我的生日晚餐:

係六月某日要講。。。

2008-06-20T11:02:00.007-04:00

係六月。。。

四號要講 : 媽咪生日快樂﹗﹗

六號要講 : Happy Birthday to me﹗﹗

七號要講 : 思妹生日快樂﹗﹗

十五號要講 : 父親節快樂﹗﹗

二十一號要講 : 婆婆生日快樂﹗﹗

二十八號要講 : 細佬生日快樂﹗﹗

本想係五月同你講。。。

2008-06-20T09:53:00.012-04:00

本想係五月同。。。

雲妹妹同佐兄講: FINALLY﹗﹗ 哈哈﹗ 好開心收到你地訂婚嘅消息﹗ 我相信你地明年五月嘅婚禮一定好perfect﹗

Sa姐講: Happy Birthday﹗﹗ 好希望你最後都唔駛去Vancouver﹐ 可以留番喺到。等我同何師奶都可以成日見到你啊﹗

媽咪講: 母親節快樂﹗﹗ 遲啲一定有機會可以一齊慶祝母親節架﹗

細V講: 生日快樂﹗﹗ 見到你每年生日都有咁多朋友陪你慶祝生日﹐好登你開心啊﹗ 祝你年年有今日啊﹗

我相信愛我嘅你地唔會mind我嘅delay架呵﹗? (哈哈。。。。)

P.S. :

整給Sa姐的mini green tea cheese tart

與細V共享的birthday day brunch

Friday before Victoria Day long weekend.....

2008-05-16T15:52:00.003-04:00

現在4:00pm﹐ 公司嘅同事已經走得七七八八。。。

Department有11個同事(連manager)﹐只有4個未走。

Long weekend前嘅星期五﹐實屬正常。

唔怪得老公成日話﹐我呢份工做懶人﹗

我仲係公司﹐並不代表我勤力。一來呢篇blog係係公司寫嘅﹐ 二來只不過係因為我未夠鐘攞外賣sushi以而﹗

當然呢份工仲其他"懶人懶事"﹐以後再談。

又三個月了。。。還未放棄

2008-05-07T10:31:00.005-04:00

差不多三個月無寫blog﹗ 實不相瞞﹐ 真係有諗過放棄呢個blog唔再寫。但係係我成日都覺得唔知寫乜好嘅情況下﹐ 都寫咗2年半﹐ 唔再寫又有少少唔捨得﹗ 所以我唔會放棄"草地樹林"架﹗

P.S. 我諗我要快啲去買個手寫板。我嘅龜速打字絕對影響我寫blog嘅興趣﹗

情人節兩面睇。。。

2008-02-14T08:39:00.007-05:00

第一面 : 今個係我地第1個以老公﹐老婆身份去過嘅情人節﹗

第二面 : 今個係我地第7個一齊過嘅情人節。

如果focus去第一面﹐今個情人節就會變得好重要﹗

如果focus去第二面﹐今個只係"又一個"情人節。

凡事都可以有兩面睇架。。。

我嘅選擇絕對係第二面﹗

好老土講句﹐只要倆個人係相處融洽同開心﹐日日都係情人節﹗

Happy Valentine's Everyday﹗

農曆新年/農曆結婚1週年紀念/Winterlicious

2008-02-07T09:31:00.000-05:00

今日係大年初一﹐首先同大家拜個年先。祝大家恭喜發財﹐ 心想事成﹗

對我黎講﹐今日唔單止係農曆新年﹐ 仲係我地農曆結婚1週年紀念呀﹗(唔知除咗我地﹐仲有無人選擇年初一結婚呢? 哈哈﹗)

為咗呢兩個原因﹐我專登book咗今晚去Winterlicious。 Winterlicious係Toronto嘅冬日美食節﹐每次大約有30-40間餐廳參與。每間餐廳會有特別嘅lunch or Dinner menu。大約$20-$25 lunch﹐ $30-$35 dinner。咁當然﹐一啲平時比較昂貴嘅餐廳就會好難book啦﹗ 好彩今次我都book到我想去嘅Canoe。平時Canoe大概要$100一位 (佢地個Valentine's Day menu 係$150一位﹐7 courses dinner)。今次用$35就可以品嚐到一個3 courses dinner啦﹗ 係未去之前﹐睇下個menu先。等我食完再話你知好唔好味啦﹗

$35 Dinner

Butternut & Maritime Lobster Bisque
Spiced Grisini & Tarragon, Snow Crab
or
Warm Monforte Goat Cheese Tart
Slow Roast Beets, Nice Spice Pumpkin Seed, Watercress
or
Canoe Apple Wood Smoked Salmon & Matane Shrimp Roll
Horseradish Dressing, Cabbage & Crisps

Alberta Lamb Sirloin
Porcini, Black Pepper & Maple, Gratin of Cabbage, Seedy Mustard & Apple
or
Lemon Ricotta Ravioli
Butternut Squash, Sunchokes & Walnut Sauce
or
Seared Tuna Loin
Wasabi Crème Fraîche, Forked Yukons, Caper Berries & Garlic Spinach

Warm Dark Chocolate Espresso Torte
Citrus Sorbet, SOMA Cocoa Nib Crisp
or
Quince Bread Pudding
Pumpkin Seed Crumble, Nice Spice Ice Cream

Happy 2008!

2008-01-01T14:45:00.000-05:00

聖誕回顧

2007-12-31T17:58:00.000-05:00

12月24日﹐平安夜 - 我同老公都無節目﹐係屋企過咗個好平安嘅平安夜﹗ 聖誕大餐如下: 忌廉汁豬扒﹐蒜蓉雜菌﹐焗蕃薯茸。

12月25日﹐聖誕節 - 由於所有地方都唔開﹐我地飯出街食咗個午餐後﹐ 就返屋企打掃一翻。之後開始準備晚餐﹐ 同細佬和未來弟婦一齊食咗餐簡單嘅聖誕飯。

12月26日﹐Boxing Day - 8點鐘我地已經到達某大shopping mall進行一年一度嘅Boxing Day shopping﹗ 不過今年收獲並唔豐富﹐ 我地考慮出年應唔應該繼續﹗

睇完我地嘅聖誕節目﹐我發覺我同老公的確係悶蛋倆個﹗哈哈﹗

8 days til Christmas.....

2007-12-17T18:01:00.005-05:00

星期六﹐約咗細V食"聖誕下午茶"。首先多謝細V山長水遠陪我下午茶﹔而且仲要係snow storm前添﹗ 再多謝佢係香港幫我買齊晒我要嘅野﹗ Thankyou﹗

尋日雪暴來臨安省﹐24小時內不停落雪﹐總共落咗25cm﹗ 好彩尋日係星期日﹐我仲可以唔出街。而老公放工後仲要鏟雪。佢用咗個多小時﹐分咗三次先至鏟得晒driveway啲雪﹐辛苦晒佢﹗ 而我可以做嘅﹐就係準備好熱辣辣嘅晚飯俾佢囉﹗

係無街去嘅情況下﹐整咗shortbread cookie請同事們食。佢地係唔係好可愛呢?

15 days til Christmas.....

2007-12-10T13:56:00.000-05:00

12月係我最鍾意嘅月份。。。每逢踏入12月﹐每個人都會比較開心。大家都期待聖誕節(or聖誕假期)嘅來臨﹗ 我鍾意聖誕節唔係因為有禮物收﹔而係可以送禮物比家人同朋友。雖然每份禮物都唔係特別名貴﹐ 但佢係我對你地每個人嘅少少心意﹐請笑鈉﹗

屋企仲未開始聖誕裝飾﹐應承自己今個星期要完成﹗

尋晚參加咗一位舊同事嘅婚宴﹐首先想再祝Teresa & Ken新婚快樂﹗ 而且尋日都係可可嘅大好日子﹐祝可可同Ka百年好合﹐永給同心﹗﹗ 由於去婚宴嘅關係﹐平時11點就瞓覺嘅我﹐尋晚差不多2點先至瞓﹗ 今日係半夢半醒下渡過。。。

向Ottawa出發 - 後記

2007-11-10T10:57:00.000-05:00

開心嘅時間過得快﹐三日兩夜就咁過去。都唔知下次幾時先有時間再去啦﹗ 今次要特別多謝雲妹妹同佐兄借出佢地嘅靚靚屋企俾我地"宿一宵"﹐仲要陪我地周為去﹗ Thankyou﹗﹗

Happy Birthday to 老公﹗

2007-11-09T18:21:00.001-05:00

尋日係老公嘅生日。因為佢又掛住睇hockey﹐唔願出街﹐所以星期三已經同佢食咗飯慶祝。老公一向都唔重事自己嘅生日。佢話慶唔慶祝都無所為﹐都係普通嘅一日。但係我又點會唔理佢喎﹗ 雖然我未必年年都會買禮物俾佢﹐但食餐飯就一定會﹗

星期三我地去咗食龍蝦餐。你睇下啲龍蝦幾好味﹗

星期四正日﹐天氣寒冷﹐仲落咗第一場雪添。我係屋企整咗牛肉餅煲仔飯俾老公暖下肚。因為佢前幾日一路都放假﹐所以我都無時間整個生日蛋糕俾佢。唯有買件蛋糕俾佢吹蠟燭﹐make a wish﹗

向Ottawa出發

2007-11-02T11:45:00.000-04:00

今日上午work from home﹐ 下午就同老公展開三日兩夜嘅mini-trip﹐向Ottawa出發﹗

其實最主要係想探住係Ottawa嘅婆婆。我地結婚時﹐婆婆出席唔到。所以婚後一定要去探下佢。因為種種原因﹐由四月延遲至今。婆婆今年已經八十多歲﹐我好想可以有多啲時候見下佢。

Ottawa係一個我住咗八年多嘅地方。初初好唔鍾意呢個地方﹐又悶又凍。後來慢慢習慣。。。但係大學畢業後﹐就立刻搬到Toronto。習慣始終唔等於鍾意﹗ 不過依家每一次去﹐ 都發覺並唔係我記憶中咁差﹗ 究竟係因為無咗嘅時候先識得珍惜﹐ 一或因為依家每一次都有老公陪係我身邊?

好啦﹐ 四個半小時後﹐ 就會到達目的地。請各位乘客佩上安全帶﹐出發﹗﹗

日式蟹籽青瓜沙律

2007-10-26T17:32:00.000-04:00

自從係香港味千拉麵食過日式蟹籽青瓜沙律後﹐ 老公就愛上咗佢﹗

某日係某雜誌見到個食譜﹐立刻整咗俾老公試。自始呢個沙律就長期係家中出現﹗

呢個食譜其實好簡單﹐只有五種材料: 蟹籽﹐青瓜絲﹐蟹柳絲﹐芝麻﹐日式沙律醬。份量隨意﹗

有時簡簡單單嘅食物就已經足夠令老公開心﹗

相聚一刻

2007-10-13T16:58:00.000-04:00

好耐無正正經經咁寫下blog﹐其實我成日都有野想寫﹐但係當我真正坐低寫嘅時候﹐又唔知點寫好﹗ 我諗我都係無乜資格成為作者架啦﹗

尋日一大班朋友係屋企攪咗個gathering﹐ 因為Bit哥Bit嫂係香港返咗黎嘛﹗ 我地已經好耐無試過咁齊人啦﹗ 大家只係傾下計﹐食下野﹐ 過咗個好愉快嘅晚上﹗ 由於我地呢班人年紀"漸"大﹐話題開始係"話當年"﹗ 小學趣事﹐暑期作業﹐紀念冊等等。。。其他精彩topic包括: "乜都可以Organic"﹐"危疾保險幾時陪"﹐"究竟Bit哥間廠點去"﹐"廣西小孩學乜好"﹐"至out潮人在多市" 等等﹗成晚笑聲不絕﹐笑到"標"眼水﹗ 好希望快啲有機會大家再可以相聚﹗

P.S: 聽日要返OT﹐希望唔會太忙吧!

古巨基-愛回家 MV

2007-08-30T08:36:00.000-04:00

Spider Pig!!

2007-08-08T12:42:00.001-04:00

I love Spider Pig!!

The Simpsons Movie

2007-08-05T00:42:00.000-04:00

今日終於同細V同佢細佬去咗睇The Simpsons Movie﹗ 當然以一個Simpsons粉絲嚟講﹐ 我一定話好好睇, 起碼我一啲都無失望﹗ 我同細V仲同Simpsons一家合照添啊﹗

The Simpsons!

Vikki Simpsons and Stephanie Simpsons!!

同場加映 - "假"麥記一間

其實佢係Fairview Mall 新food court裡面將會開張嘅麥記。不過佢攪笑地貼上一張平面嘅poster扮麥記counter﹗ 遠睇都幾似架﹗﹗

北京向全球徵集譯名﹐糾正 Chinglish 菜名

2007-08-05T00:25:00.000-04:00

可能以下嘅新聞﹐你已經睇過好多次。但係唔知點解﹐我每一次都係想笑。。。

北京向全球徵集譯名
糾正 Chinglish 菜名

「政府虐待雞」、「還沒有性生活的雞」、「丈夫和妻子的肺切片」 … … 這是某政府的暴行、動物奇觀紀錄片、抑或人體解剖學？統統不是，這些全是國粹級的經典中菜 ─ ─ 「宮保雞丁」、「童子雞」和「夫妻肺片」。面對越來越埋身的北京奧運，當局以免這些「駭人菜譜」有辱國譽，決定由明日起至下月 25 日，向全球徵集英、法、德、日等文的譯名，以消除一直被外界評為中式英文（ Chinglish ）的劣名。

宮保雞丁（又名宮爆雞丁）

錯誤譯名︰ Government abuse chicken （政府虐待雞）
慣用譯名︰ Sauteed chicken cubes with peanuts 或 Kung Pao chicken

雞肉的鮮嫩融合花生的香脆，這道馳名中外的傳統川菜，幾乎成為西方人眼中的中國菜代名詞。有關宮保雞丁的來歷有幾種說法。相傳清咸豐時，四川總督丁寶楨一向好辣、雞肉爆炒等菜餚，每遇客到訪他都會叫家廚用花生、辣椒和嫩雞炒製雞丁，甚受客人歡迎。後來他被朝廷封為「太子少保」，人稱「丁宮保」，有關菜式順勢被稱為「宮保雞丁」

夫妻肺片

錯誤譯名︰ Husband and wife's lung slice （丈夫和妻子的肺切片）
慣用譯名︰ Spicy ox viscera

出自清末，四川成都的街頭小吃，以牛肺為主料，經滷煮並佐以紅油、辣椒、芝麻等，深受草根階層人士歡迎。 1930 年代，當地一對郭姓夫婦所做的肺片風味獨特加上夫妻合拍，特別受歡迎。某日，一名頑皮學生食客將寫有「夫妻肺片」字樣的紙貼在其攤檔上，並高呼「夫妻肺片」。其後一名商人吃過郭所做的肺片後，讚不絕口，並贈給他們一幅「夫妻肺片」的金漆牌匾，自此成名。

麻婆豆腐

錯誤譯名︰ Beancurd made by a pockmarked woman （滿臉雀斑的女人製作的豆腐）
常用譯名︰ The spicy and hot beancurd

這道風靡全球的川菜名餚，有逾百年歷史，是四川成都「陳麻婆豆腐店」的傳世菜餚，源於清同治年間，當地一間飯店老闆陳森富的妻子劉氏所創。她因面部有痘皮故被人稱作陳麻婆，她所創製的豆腐亦被稱為「陳麻婆豆腐」。 1909 年，被評為當地 22 間著名食店之一，至今在日本、新加坡等地仍視陳氏麻婆豆腐為正宗。

童子雞（又名桶子雞）

錯誤譯名︰ Chicken without sexual life （還沒有性生活的雞）
常用譯名︰ Spring chicken

童子雞又被稱為桶子雞，至今已有逾 400 年歷史。顧名思義，做此雞必須用當年孵出來的小雞即童子雞以滷水燒煮。相傳桶子雞源於北宋，至清朝咸豐時，桶子雞創始人馬永岑重返故里並帶回一桶陳年老湯，其後開創「豫盛永」店舖。馬針對中原盛產雞的情況，再結合南京鴨製品的加工方法，創製出以雞為原材料，不開膛、不破肚，使整隻雞為桶狀，做出馳名中外的桶子雞。

from: 蘋果日報 2007-08-05

愛回家

2007-07-16T10:09:00.000-04:00

TO 老公:

愛回家 - 古巨基

勤力過捱罵過如做錯誰又會原諒我
懷念家中被窩
想去躲這樣吃力求什麼

投入過麻木過磨煉過沉悶過疲累過
其實我進取麼
時間從未敢蹉跎賺到幾多
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被鋪上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家來互抱

唯獨你明白我成就過誰若說容易過
曾受了氣幾多能聽我解釋因何在這被窩
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被鋪上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家

自問已經得到
得到你比一切好
躺在平靜被鋪上望浮雲在過路
回到家中便有你多好
張開兩臂的鼓舞
沾濕我眼睛
眼前繁華有幾好來互抱

FROM 老婆

無聊對話

2007-07-14T23:46:00.001-04:00

1)
老公: 等我睇下煲紅豆沙得未先。
老婆: 點解你淨係睇煲紅豆沙又唔睇下我啊?
老公: 你又唔係啲紅豆﹗ 如果你俾野煲住﹐我咪嚟睇你囉!

2)
老婆: 點解你唔買下多啲衫啊?
老公: 依家又唔駛追女仔﹐買咁多衫做乜啊!?

3)
老婆: 頭先拎蝦片食嗰時﹐俾個罐剔親啊﹗ 不如等我食晒啲蝦片報仇!
老公: 正確嚟講﹐係個罐剔親你。所以你應該食咗個罐報仇!

細佬的生日蛋糕

2007-07-14T23:35:00.000-04:00

上兩個星期整咗個栗子忌廉蛋糕俾細佬﹗ 話咁快又一年啦。。。

一個字﹕悶﹗

2007-06-25T17:53:00.000-04:00

一個悶字﹐就已經足夠去形用近期對工作嘅感覺﹗

好想快啲可以走出呢個悶局。

至於行動方面﹐已經悄悄進行中。。。

但係無人會知幾時先至有答案﹗

Wish me luck﹗﹗﹗

Happy Birthday To Me.......

2007-06-24T15:39:00.000-04:00

至於自己生日嘅時候﹐就收到老公送俾我嘅花同蛋糕﹗ 係唔係好靚呢﹖

生日快樂﹗

2007-06-17T18:27:00.000-04:00

可能自己係6月生日啦﹐總覺得身邊有好多朋友們都係5﹐6月生日﹗ 由5月到現在﹐我已經整咗6個生日蛋糕﹗

蛋糕1號: 何師奶細妹嘅芒果忌廉蛋糕

蛋糕2號: 何師奶媽媽嘅栗子忌廉蛋糕

蛋糕3號: Sa姐嘅Oreo Cream Cake

蛋糕4號: 細V嘅Blueberry Cheese Cake

蛋糕5號: 阿拔同自己嘅紅豆芝士蛋糕 (we have the same birthday)

蛋糕6號: 未來弟婦嘅芒果芝士蛋糕

SURPRISE!!!!!!!

2007-05-31T18:29:00.000-04:00

上星期五晚﹐我哋幫細V攪咗surprise party慶祝佢嘅生日﹗ 呢個係一個非常成功嘅surprise party﹐因為細V一啲都唔知道﹗ 當佢去到可可屋企﹐開門嘅一刻﹐屋內嘅人大叫SURPRISE!!!!!!! 又驚又喜嘅細V呆立當場﹗ 我諗我哋都有少少嚇親佢﹗ 哈哈﹗

係呢一晚﹐ 大家都發覺只要有細V嘅地方﹐就會有無限嘅歡樂﹗ 我諗細V係呢一晚都發覺﹐ 原來我哋真係非常了解佢﹗

我整咗個Blueberry Cheese Cake 俾細V﹗﹗ HAPPY BIRTHDAY SWEET HEART﹗﹗

P.S. 可可對細V surprise party 嘅記錄﹗

婚紗相

2007-05-21T18:08:00.000-04:00

對大部份女孩子嚟講﹐結婚其中最重要嘅一環﹐應該係婚紗相。對於我哋今次嘅影婚紗相經驗﹐ 都算非常滿意﹗ 幫我哋影婚紗相嘅現代經典非常好﹐由頭到尾都無迫過我哋加任何services。而且每個職員嘅態度都好友善。

大部份睇過我哋啲婚紗相嘅朋友﹐都覺得啲相ok架﹗ 至於最"正"嘅comment﹐就係來自積奇哥。佢同老公講: "終於明白乜野叫強顏歡笑﹗" 無錯﹐老公每張相都唔識笑。笑得出嗰啲﹐ 都好似被迫咁﹗ 唔知仲以為我迫佢結婚添﹗﹗

至於我最鍾意嗰張相﹐就係以下呢張。因為我覺得有老公係我後面永遠保護我﹐ 好warm﹗

懶人回來了﹗

2007-05-21T17:10:00.000-04:00

自從3月放假時﹐就再無update個blog﹗ 今日終於的起心肝再次update﹗

係香港嘅時候﹐每日都呢到去﹑嗰到去﹐好忙。有時係忙結婚嘅事﹐有時係忙shopping。三個星期話咁快就過去﹗ 離開嘅時候好唔捨得。。。好唔捨得香港﹐ 好唔捨得老豆﹑媽咪。。。

返到多倫多後﹐又要從新投入工作。而且仲有少少"旅行後憂鬱症"﹐對好多事都無乜心機﹗ 跟住NHL嘅playoff又開始﹐ 我同老公又忙住睇hockey囉﹗

不過放心啦﹐懶人回來了﹗

Tonite is the nite.....

2007-03-10T20:33:00.002-05:00

Tonite is the nite for the dinner... Getting abit nervous now... I don't know why am I nervous, just it's!

Wanna eat less yesterday, but of course that didn't happen!! Wish me luck that I can still fit the dress......

All we did so far is shopping, eating, and shopping!! I need to work very hard to make some $ after I come back! ha ha...

P.S. : Tried 香芋維他奶, not as good as I thought it will!

I arrived in HK......

2007-03-06T06:16:00.001-05:00

I arrived in Hong Kong yesterday @ 8:30am!! Everything went fine!!

Yesterday already went to the store to pick out the evening gowns for the dinner at the 10th. Pick one that is kinda 中西合壁.... Now the more that I think about it, I'm afriad that it will be kinda 娘! I was kinda only half awake when I was doing that yesterday!! I will let you guys see that dress later! O well, I only need to wear that dress for couple hours..... ha ha.... BTW, I also feel abit fat when I try the dress on, maybe I should eat less this couple of days!!

I finally feel the different of being someone's girlfriend and someone's wife! Right now everything I do, I also have to consider his family as well. One little example, I wanted to stay with his family for dinner yesterday 'coz after I arrived, I still haven't meet his family yet. But I felt kinda dizzy at the afternoon due to lack of sleeping and the jet-lagged. So I told his mom that I will not come over for dinner (note: we still stay with our own family right now). Then later on, it got me think that maybe I should because I haven't meet her after we got married. I afraid she will think I didn't respect her and so on.... hai.... And yes, I called her 奶奶 now. Still feel kinda weird......

04年Echo vs 97年Camry

2007-02-25T15:42:00.003-05:00

而唔開心嘅事﹐就係發生咗輕微嘅交通意外。。。

尋日約咗何師奶係Hwy7 & Kennedy嘅新旺角中心食lunch。當我係parking lot轉來轉去搵位之際﹐意外就發生﹗ 當時係我前面大約有3架車停咗係右邊到(應該係等緊parking)﹐咁我就靠左邊行去駛過堆車。點知當我駛到去同個堆車最後個架車平排嘅時候﹐個架車(97年綠色Camry)突然抽頭向左邊出。。。我當時已經平排嘅佢隔離。。。就係咁佢架車嘅左邊車頭﹐就撞咗我架04年Echo嘅右邊車頭﹗

04年Echo損毀報告:

97年Camry損毀報告:

我架車比佢架車"傷"好多。佢架車最大件事都係個side mirror。我架車個front bumper就差不多散曬。最奇怪係我架車居然俾佢撞到爆咗胎﹗ 結果call咗何師奶同P先生求救﹗ 攪咗一大倫。。。矣﹗﹗ 星期二仲要去collision center報案。而架車就可能等係香港返黎先整。

唔開心咗成日﹐不停諗如果我咁咁咁﹐係唔係可以避開呢次意外!? 不過後來同自己講﹐唔發生都發生咗﹐算罷﹗ 只要個人無事﹐已經算係不幸中之大幸(唯有咁安慰自己啦)﹗

一生一世嘅承諾

2007-02-25T14:52:00.000-05:00

今個星期發生咗一件開心同一件唔開心嘅事。首先講咗開心事。。。

上星期日係我地註冊嘅日子。經過簡單嘅宣誓﹐ 我地互相向對方許下一個一生一世嘅承諾﹗ 從此我地再唔係倆個個體﹐ 而係一個家庭﹗

多謝細V同水哥做了我地嘅證婚人﹗ 萬分感謝倆位嘅幫忙﹗

Snowy Valentine's Day

2007-02-14T12:48:00.000-05:00

This Valentine's Day will be our last Valentine's Day as boyfriend and girlfriend. Four days later, we will be husband and wife! Although we didn't plan any celebration, I'm glad that we can spend today together (Thanks for the snowy weather, I can work from home today)! My little gift to Mr.P is this chocolate cake. Chocolate = Sweet!!

Happy Valentine's Day Everyone!!

我們結婚啦!

2007-02-08T09:30:00.000-05:00

First I wanna apologize for letting all you guys know this happy news so late! Mainly because I’m lazy to write it out! ha ha…. I really wanna write this in chinese and I realize that probably it will take me a VERY VERY long time to do so. Second is that a lot of details are still not finalize!! For people that know me well, I love to plan everything out!! But there are a lot of things I can’t get my hands on yet. But I still wanna share with all of you! Here it is:

Let start from the beginning….
We did plan to get marry about 2 years ago when we purchased our house. At that time, we debated should we get marry before we move into our new house. But since my family and his family both live in Hong Kong, that means we have to spend more $ to go back. And we already knew that we are going to spend a lot of $ to purchase furniture and stuffs to fill up the new house. So we decided to wait until we settle for our new house first.

The theme…..
This summer, we finally decide that we will get marry in March 2007. The main theme for this wedding is ‘KEEP IT SIMPLE”. To be honest, both of us don’t want anything too big. Also planning everything oversea is not fun at all!! We want to have a nice dinner with families and taking wedding pictures. Thanks for families and friends in Hong Kong, we finally have some firm schedule. Our simple plan is that we will register in Toronto before we go back, dinner with families and wedding pictures in Hong Kong.

The details….

Registration:

Feb 18th (and yes, first day of Chinese New Year) @ 12:00pm
It will take place at our house (Thanks V to come as my witness and sign the paper for me). It will be a very basic ceremony. I have asked the minister before did he has an office or something so that I can go to his place to just sign all the paper work? He said no. He said that he can come to any place that we want. Since we didn’t invite any guesses (we really just want to sign all the paperwork), I guess the best place will be our home (I was thinking how about a McDonalds? ha ha…). We haven’t purchase the wedding rings yet because we want to get them in Hong Kong. So I guess we have to tell the minister to skip the wedding ring exchange part then, ha ha! O, you might ask why the first day of Chinese new year? There is a very logistic reason. It’s because I don’t have any vacation day left since I need to take them all in March. So the registration has to take place in a weekend. Mr. P actually needs to work on weekends, the only coming day that he is off during a weekend is Chinese New Year. ha ha…. And yes, even later on Mr. P is going to forget about our anniversary day. He should remember our lunar anniversary day, because the whole world will remind him, ha ha!

Need details of marriage in Ontario: http://www.cbs.gov.on.ca/mcbs/english/marriages.htm

The trip to Hong Kong:

We will be arrive on March 5th and leaving on March 22nd.

The banquet:

It will take place on March 10th @ 桃源酒家. Right now except that I know we will have 6 tables in total (families only), I don’t know much! I don’t know who is coming. I haven’t seen the restaurant before. I haven’t rent a dress for the night yet (and yes, this part no one can help me with. So I will need to do that in 5 days when I arrive). I need to get shoes to match the dress! I haven’t have appointment for hair and make up yet……. so on and so for. So now you can see why I’m panicking!

The wedding pictures:

We have decide to take the wedding picture at Modern Classic on March 13th and March 14th (Thanks for Eva and Joyce for all the help). We have chosen the $8980.00 (HKD) package. From forum and friends, we know that it will be end up a lot more then that. For now, I know that the follow charge will be add on:

- Add one more dress and make up $600.00
- Groom's make up $100.00
- Any addition pictures that not include in the package $150.00 each.
- UV protection on picture (don’t know yet)

Those are charges that I can predict. We will see what happen at the end. ha ha… We will not get our pictures until 3 months later!

Modern Classic website : http://www.modernclassic.com.hk/web/

Beside the wedding stuffs, I still have to get my new smart ID and renew my HK passport in the first couple of days when I arrive!! I hope I will have time to get all these done!!

Last but no least, I wanna apologize to all our friends (in Hong Kong and Canada) because it seems like they are not include in our wedding plan. Due to all the difficulty of planning oversea and keep things small, I didn't invite everyone that I want! I promise I will have dinner with you guys after my “wedding trip”! I know you guys will understand! Also after we come back from Hong Kong, we will also head to Ottawa (maybe in May) to have dinner with my Grandma and uncles because they can’t go back to Hong Kong for this.

I have a lot of friends told me that I don’t look too exciting about getting married! To be honest, I’m happy that I’m getting married but still not too exciting yet. Maybe it’s because we already start our life as a "family" since we move into our new house, all we missing it’s the paperwork to be “officially” married! And also because I’m worry about I don’t have enough time to get everything done. I’m sure once I go back and have my hands on all the planning, I will be more exciting! I think my parents are more exciting because they can finally relax that their daughter is getting marry! ha ha… They always worry that no one wants to marry me!! ha ha…….

12 生肖豬年發財運【馬 - 是非遠離】

2007-01-30T11:45:00.000-05:00

12 生肖豬年發財運【馬 - 是非遠離】

發財第 5 位
今年事業有新發展，人緣好，是非遠離，暗箭都傷不了身。
出生年份
1942 、 1954 、 1966 、 1978 、 1990 、 2002

性格 : 　萬人迷

馬馬性格活潑爽朗、行動敏捷、靈活好動。優點是多才多藝、善於交際，而且往往外形出眾，所以勁有人緣，惹桃花，是公司面的人氣王、萬人迷。( I don't feel that at all!)
但缺點是坐唔定、做事性急、過分直腸直肚，容易得罪人多、稱呼人少，而且缺乏耐性 (so true)、貪玩 (so so true)、容易分心 (so so so true) ，所以難成大事，做不成老闆 (I will remember that!)。
馬馬處事靈活又擅於交際，最適合從事多走動的工作，如投資經紀、博彩、公關、保母 (I want to be a 保母) 等。
一生成功運： ☆ ☆ （ 5 ☆ 爆燈！）

整體運 :　無限生機

綜合蘇民峰、麥玲玲同楊天命三位師傅都一致認為肖馬今年太歲暗合，加上有兩顆極有力的貴人星，逢凶化吉，更無大凶星，故事業必定有進步，會有新的投資或學習機會，生機處處。
財運方面，蘇民峰同楊師傅均認為肖馬財運有進步，但需要花資金去投資 (So that means I will not make any $ then)。而麥師傅則認為今年財運不穩，容易三更窮、五更富，而從商人士今年生意特別好，多勞多得。

宜應酬
今年人緣好，易得貴人相助，宜多跟客戶應酬，增加遇上貴人的機會。

忌碌咭
今年財來財去，為免富貴時先使未來錢，今年忌碌咭，以免窮時冇錢還。(I will make this my new year resolution!)

發財運

蘇民峰：　事業進步
承接去年合太歲，今年太歲暗合，貴人運佳，工作量大增，對多勞多得自僱人士較為有利，如的士司機等 (but I'm not a 的士司機, maybe I should consider a career change!)。打工仔想升職，可以留意農曆十一月的提升月。今年亦為思想投資得財年，有新的投資發展或學習機會。
寒命人宜以進修為先；熱命、平命人則宜發展新事業，尤其下半年可多作嘗試。總結，不論何種命人，事業都有進步空間，只是時段不同。財運方面，今年仍有進步，特別是多勞多得的從商和自僱人士。留意是熱命、平命人雖運程暢順，但要投下大筆資金發展事業，故今年開銷特多，尤其注意農曆十月，要小心財政。

麥玲玲：　大起大落
今年吉星拱照，大有升職加薪可能 (YES!) ，尤其有利在政府工作人士，因「祿勳」星有「加官晉爵」之象，大可趁今年多參加升職考試，必有理想成績。總括今年事業大好，商機處處，但要提防「暴敗」凶星，計劃容易突然改變。若想今年轉工跳槽，最好先找到合適工作才辭職 (hai... I think that's a must) 。
財運方面，受「暴敗」星 (damn, what kind of star is that?) 影響，容易大起大落，財政不穩，不宜作投資及投機決定 (emm, it kind of contradict "但需要花資金去投資" from above) 。

楊天命：　要乜有乜
今年太歲暗合，多貴人，而且有「龍德」、「地解」吉星，逢凶化吉，事業想乜有乜 (Really?)，有新計劃或投資，可放膽嘗試。財運亦必有進步，是不錯的一年。

人緣運 : 是非彈開

楊師傅對於肖馬的人緣運，跟兩師傅出入頗大。他認為肖馬今年有「暴敗」、「天厄」凶星易惹口舌之爭，是非小人頗多。但麥師傅同蘇師傅均認為，肖馬太歲暗合，加上有「紫微」、「龍德」兩顆有力的貴人星，是非自然遠離。所以今年人緣佳，有利交際應酬。蘇師傅補充，要留意農曆七同十月，是非會略多，但並無大礙，如擔心可佩帶雞形飾物 (where can I find 雞形飾物?) ，或於家中正西擺放雞形擺設 (Mr.P will kill me if I put a 雞形擺設 in the house)，即可旺人緣。

健康運 :　醫生遠離

健康第 2 位
至於健康運，蘇師傅跟兩位師傅見解有些不同，他認為肖馬今年無刑、無沖，亦無病星，故今年身心康泰。但麥師傅同楊師傅則認為，今年有「天厄」及「暴敗」凶星，易有小意外，尤其要小心出門。不過，蘇師傅卻認為問題不大，除非與易見損傷意外的肖豬和肖蛇者同車才有事 (Anyone that is 肖豬和肖蛇者, I'm sorry, I can't seat in the same car with you guys this year) ，總結今年健康非常。另外，楊師傅還補充，今年有「紫微」，對長者健康特別有利，即使今年患重病，也可大步跨過。

42 年出生：重有位上
雖然年事已高，但事業依然有進步，尤其是從商或經紀、律師、醫生等自僱人士，更不易輕言退卻，今年仍有名氣地位提升之象。

54 年出生：平熱進攻
今年為思想投資得財年，會有新的投資發展機會。特別是熱命、平命人，運程更見暢順，應大舉進攻。而寒命人則宜多進步增值，以裝備自己。

66 年出生：機會打孖
今年適合學習或投資，上半年特別容易出現新發展機會，故熱命、平命人不妨放膽一試，即使一次不成功，下半年還會有另一機會。

78 年出生：自僱有利
今年為辛苦個人力量得財年，對收入不穩定的自僱人士最有利，如保險、的士司機、小販 (Again, my career change this year should consider become a 的士司機 or 小販) 等，專業人士則多勞多得。不過，打工仔就得個做字 (damn!)。

90 年出生：正西溫習
今年為貴人舒服懶年，總提不起勁溫習，正值會考的你，宜在今年正西桃花位，放置 4 枝富貴竹或在正西位溫習。

02 年出生：獲得嘉許
今年整體運程無風無浪，但有名氣地位提升之象，可能是課外活動表現出色，獲得額外嘉許。

揭開溏心雞蛋之謎

2007-01-28T16:16:00.000-05:00

1 首選室溫雞蛋 : 要煮成溏心雞蛋，便要選用室溫雞蛋。若已經把雞蛋冷藏，便需要先解凍。
2 烚蛋兼備冰水 : 鍋中注入清水，煮至大滾，放入室溫雞蛋；與此同時，另備大碗注滿冰塊及清水。
3 烚好立即冰鎮 : 把雞蛋烚5分鐘至5分30秒（視乎雞蛋大小），隨即撈起，並放入冰塊清水中。徹底冷凍後，剝殼剖半即見軟綿流質狀的溏心蛋黃。

From : http://hk.news.yahoo.com/061105/12/1vsd5.html

睇咗以上嘅報道後﹐發覺完來溏心蛋都唔係太難整﹐只要時間控制得好就得啦。最成功嘅一次﹐就係以下呢個溏心雞蛋雜果沙律啦﹗

Happy 2007!

2007-01-07T19:07:00.000-05:00

HAPPY NEW YEAR EVERYONE!! (I know that's abit late.... ha ha!)

聖誕前小事記

2006-12-24T17:20:00.001-05:00

今日已經係平安夜。。。但由於天氣反常﹐外面一D雪都無。其實無雪落應該係開心﹐起碼無咁凍麻﹗ 不過又好似真係少咗D聖誕氣氛。

我們的聖誕樹﹗

其實我每一年都會係12月頭完成我嘅christmas shopping﹐呢D就係我今年嘅"戰利品"。希望你地會鍾意啦﹗

整了bite size brownie cookies俾細V做聖誕禮物。照住recipe做﹐似麻?

Christmas假期展望:

12月24日: 腐乳羊腩煲賀平安夜
12月25日: annual movie day (因為除戲院外﹐其他地方都唔開!)
12月26日: annual boxing day shopping, annual destination : Yorkdale Shopping Center. (9:00am前必到﹗)

MERRY CHRISTMAS TO ALL MY FRIENDS!!

反轉菠蘿蛋糕

2006-11-26T18:38:00.001-05:00

好好味嘅反轉菠蘿蛋糕﹗ 將菠蘿+牛油+紅糖放係底﹐焗完後反轉佢﹐牛油、紅糖、菠蘿的香味就會全部滲入蛋糕。而且蛋糕非常軟綿綿﹐食多兩件都唔覺"漏"﹗

Comment內附食譜

P先生的生日蛋糕

2006-11-26T18:14:00.000-05:00

11月8日係P先生嘅生日﹐整咗Tiramisu俾佢做生日蛋糕。呢個係第五個我陪佢過嘅生日﹐我希望我可以陪佢過佢以後嘅每一個生日﹗

中秋節/感恩節 Long Weekend

2006-10-09T17:18:00.001-04:00

今年嘅中秋節(星期五)同感恩節(星期一)係同一個weekend。係星期六晚﹐請咗細佬同佢女朋黎咗屋企食飯。我用咗大半日時間整咗四個菜一湯﹐算是一同慶祝了中秋節。星期日晚整咗個Turkey Ceaser Salad 去慶祝"火雞節"。

今日整咗個Blueberry Lemon Loaf 做下午茶。濃濃嘅牛油味加上酸酸甜甜嘅blueberry﹐熱辣辣嘅蛋糕真係好好味﹗

Comment內附Blueberry Lemon Loaf食譜

Tickle Me Elmo / TMX

2006-10-02T09:42:00.000-04:00

All I can say is that : "I WANT IT!!". To bad it's sold out already, :(

中國花燈節

2006-10-01T18:19:00.000-04:00

終於係尋晚同P先生﹐細佬同佢女朋去咗位於Ontario Place嘅中國花燈節 (Chinese Lantern Festival)。雖然天公不造美﹐一路都落住雨﹐而且溫度只有11度﹐不過都無損我地賞燈嘅心情。每一張影嘅相﹐我地都好努力咁扮無落雨同唔凍﹐而且我同P先生一向都唔特別鍾意影相架﹐所以一定要細心欣賞以下嘅相片啊﹗

南瓜湯

2006-09-30T10:09:00.000-04:00

係呢個寒冷嘅秋天中﹐飲住一碗熱辣辣嘅南瓜湯﹐成個人都變得暖笠笠﹗

Comment內附食譜

班蘭雪芳蛋糕

2006-09-10T19:40:00.001-04:00

一直都想整班蘭雪芳蛋糕﹐ 但搵咗好耐都搵唔到班蘭葉。前排終於係某超級市場搵到﹗ 所以今日急不及待整咗班蘭雪芳蛋糕﹗

Comment內附食譜

好久不見。。。

2006-09-10T17:44:00.000-04:00

不經不覺有一個多月無update過個blog。係工作上有少少忙﹐簡單黎講係八月開始﹐本來兩個人做嘅工作變了我一個做﹐而且人工無變﹗ (我都係想籍此發泄一下我嘅不滿﹗) 不過我諗懶先至係最大原因無update個blog﹗ 所以見今日比較得閒同有心機﹐就等我慢慢update下啦﹗

八月發生過而我仲記得嘅事情:
- 第一次一個人搭subway去Taste of Danforth (with 細V)
- 第一次一個人揸車去Square One (to meet 細V)
(P.S.: To 細V﹐you should be pound since both of the above 第一次都因為你﹐哈哈﹗)
- 係好友何師奶身上發生咗一件好唔開心嘅事﹐但我知道時間會令佢心靈上嘅傷口復完。而且佢仲有何生嘅照顧﹐一定好快無事。作為好朋友﹐我無特別做太多, 因為我唔想做得太多而變成煩住佢地。我係某日整了個提子牛油磅蛋糕俾佢地﹐係我少少嘅心意﹗

蕃薯日

2006-07-30T18:29:00.000-04:00

上星期嘅某日﹐用咗一大隻蕃薯做咗兩款美食。首先有蕃薯muffin;

跟住有我自創嘅楓糖焗蕃薯。只係用蕃薯+楓葉糖漿+鹽+橄欖油+少少香草﹐之後放入350c焗爐焗至"淋淋地"(大約35 - 45分鐘)就都啦﹗做appetizer或者side-dish都好好味架﹗

愛得太遲....

2006-07-14T14:35:00.000-04:00

近期很喜歡嘅一首歌﹐很有意思嘅歌詞。

愛得太遲

歌手：古巨基作曲：楊鎮邦＠宇宙大爆炸
填詞：林夕編曲：雷頌德

我過去那死黨早晚共對各也紮職以後沒法暢聚
而終於相約到但無言共對疏淡如水

日夜做見爸爸剛好想呻卻霎眼看出他多了皺紋
而他的蒼老感是從來未覺太內疚擔心

最心痛是愛得太遲有些心意不可等某個日子
盲目地發奮忙忙忙其實自私
夢中也習慣有壓力要我得志
最可怕是愛需要及時只差一秒心聲都已變歷史
忙極亦放肆見我愛見的相知
要抱要吻要怎麼也好偏要推說等下一次

我也覺我體質彷似下降看了症得到是別要太忙
而影碟都掃光但從來未看因有事趕

日夜做儲的錢都應該夠到聖誕正好講跟我白頭
誰知她開了口未能挨下去已恨我很久

錯失太易愛得太遲我怎想到她忍不到那日子
盲目地發奮忙忙忙從來未知
幸福會掠過再也沒法說鍾意
愛一個字也需要及時只差一秒心聲都已變歷史
為何未放肆見我愛見的相知
要抱要吻要怎麼也好不要相信一切有下次

相擁我所愛又花幾多秒這幾秒能夠做到又有多少
未算少足夠遺憾忘掉
多少抱憾多少過路人太懂估計卻不懂愛錫自身
人人在發奮想起他朝都興奮
但今晚未過你要過也很吸引
縱不信運你不過是人理想很遠愛於咫尺卻在等
來日別操心趁你有能力開心
世界有太多東西發生不要等到天上俯瞰
======================================

無論係親情﹐友情﹐或者係愛情都係要及時去表達﹐錯過了好可能變成一生嘅遺憾。請珍惜每一秒﹐身邊每一個人。。。不要相信一切有下次﹐千萬不要愛得太遲﹗

細佬的生日蛋糕

2006-06-25T18:09:00.000-04:00

呢個係我送俾細佬嘅生日蛋糕。綠茶海綿蛋糕+紅豆忌廉。味道應該都唔錯架﹗

Happy Birthday To Me.......

2006-06-06T22:03:00.000-04:00

呢個係細佬同佢女朋友送俾我嘅生日蛋糕!

我一向都唔係特別鍾意貓貓。不過細佬同佢女朋友養呢隻貓貓真係好得意﹗ 佢一見到人﹐就會用個身挨向你﹐好嗲﹐好cute﹗ 佢仲有個好型嘅名 --- Massimo﹗

呢堆朱古力係送俾自己嘅生日禮物﹗

生日個日買咗我最鍾意食嘅壽司﹗

呢束花係P先生送俾我嘅﹗ 我成日話佢唔送花俾我。唔知係唔係我講得多﹐ 所以佢送束花俾我﹐ 等我唔好再講﹐ 哈哈﹗

P.S. 多謝各位好友送嘅生日禮物﹗ 每一份我都好鍾意﹐ 因為每一份都係你對我嘅心意﹗ 謝謝﹗﹗

Beef Noodle Bowl

2006-06-04T17:40:00.000-04:00

呢個都算係一個fusion菜﹐用咗teriyaki sauce 再加 linguine pasta。個食譜好簡單﹐好快完成﹗ 我同P先生聽日就有好味嘅午餐啦﹗

Comment內附食譜

焗蜜桃芝士蛋糕

2006-06-04T17:29:00.000-04:00

之前已經整過士多啤梨同藍莓味嘅焗芝士蛋糕。今次用咗蜜桃﹐ 再加上蜜桃jam﹐ 好味﹗

細V的生日蛋糕

2006-05-28T19:04:00.000-04:00

呢個係我送俾細V嘅生日蛋糕。佢係一個綠茶慕斯蛋糕﹐ 希望細V會鍾意啦﹗ 因為我係第一次整呢個食譜﹐ 所以都有D擔心﹗ 幸好整出來效果都可以。至於味道如何。。。就要問問細V先知囉﹗﹗

Comment內附食譜

P.S. : 多謝細V送俾我嘅生日禮物"最窩心甜品"(我地嘅生日只係6天之隔)﹗ 我會努力整甜品架啦﹗

芒果布甸

2006-05-23T19:34:00.000-04:00

簡單﹐好味﹐又易整嘅星星月亮。。。唔係﹐係芒果布甸先真﹗ 快D黎試下啦﹗

Comment內附食譜

Sa姐的生日蛋糕

2006-05-14T16:37:00.000-04:00

上星期五係Sa姐生日﹐我地一班好友係前兩日先幫佢慶祝﹗ 我當然整咗個home made生日蛋糕俾佢啦﹗呢個係雙層芝士蛋糕; 上層係豆腐芝士凍餅﹐下層係焗芝士蛋糕。 Happy Birthday Sa姐 ﹗﹗﹗

Apple Muffin

2006-04-24T20:05:00.000-04:00

聽日嘅早餐﹐正﹗

想要食譜 please click here﹗

白朱古力士多啤梨芝士凍餅

2006-04-23T17:28:00.000-04:00

星期五晚﹐一班好友黎到屋企﹔ 大家過了一個有嘢食﹐有計傾嘅愉快晚上﹗ 我整了呢個白朱古力士多啤梨芝士凍餅招呼朋友﹗

Smarter Fettuccine Alfredo

2006-04-23T16:54:00.000-04:00

我一向都唔係特別鍾意食白汁﹐例如 Alfredo sauce﹐ 都係因為怕肥。好味嘅白汁要用大量嘅cream + butter﹐ 所以我好少食。不過前幾日睇到呢個recipe﹐ 用D比較無咁肥嘅材料﹐可以一試嘛。味道真係唔錯﹐好creamy﹗ 再加上蜜糖焗腸腸同garlic bread﹐好味﹗

Comment內附食譜

再黎牛肉餡餅 ﹗

2006-04-14T22:36:00.001-04:00

今日再整牛肉餡餅。無特別原因﹐ 只係想食﹗

芒果忌廉蛋糕

2006-04-09T18:42:00.000-04:00

本來想整芒果瑞士卷﹐點知片蛋糕一卷就裂咗(想喊。。。)﹗ 係唔知點算之下﹐唯有將無裂嘅蛋糕片切成四片正方形﹐將D芒果忌廉搽係蛋糕片之間﹐變成芒果忌廉蛋糕﹗

多手嘅我再幫件蛋糕圍咗朱古力。不過今次係我第一次用朱古力圍邊﹐所以都幾醜樣﹗

Comment內附食譜

草地樹林

萬寧廣告

我嘅鹹柑桔project - Day 1

Recap of day 14, 15, 16 in HK

Recap of day 12 and 13 in HK

Recap of day 10 and 11 in HK

Recap of day 8 and 9 in HK

Recap of day 6 and 7 in HK

Recap of day 4 and day 5 in HK

Recap of day 2 and 3 in HK

Recap of my flight and day 1 in HK

Update一下。。。

玫瑰玫瑰。。。

與sashimi的約會

解決了三分之一

無聊對話之大白狗

Lemon Yogurt Cake

Unknown factor XYZ

我很懷念的上個星期

與DHL的一席話

Bridgestone Ad - Mr and Mrs Potato Head

電視機驚魂

唔好返轉頭

又咳。。。又肥。。。

涼拌肉鬆皮蛋豆腐

六月六日的星期六

報告隊長。。。

Strawberry Yogurt Muffin

與細V的生日午餐。。。台味軒

Hurt Die Me。。。

Long Long Weekend Forecast

又係 Banana Bread

到手了。。。

Low fat ice-cream 推介

綠茶之力

前面有妖孽

一個鬧鐘沒有響的早上

又再嚟過。。。

潮流小玩兒

Canada Day之逛逛街

今年我生日。。。

係六月某日要講。。。

本想係五月同你講。。。

Friday before Victoria Day long weekend.....

又三個月了。。。還未放棄

情人節兩面睇。。。

農曆新年/農曆結婚1週年紀念/Winterlicious

Happy 2008!

聖誕回顧

8 days til Christmas.....

15 days til Christmas.....

向Ottawa出發 - 後記

Happy Birthday to 老公﹗

向Ottawa出發

日式蟹籽青瓜沙律

相聚一刻

古巨基-愛回家 MV

Spider Pig!!

The Simpsons Movie

北 京 向 全 球 徵 集 譯 名﹐糾 正 Chinglish 菜 名

愛回家

無聊對話

細佬的生日蛋糕

一個字﹕悶﹗

Happy Birthday To Me.......

生日快樂﹗

SURPRISE!!!!!!!

婚紗相

懶人回來了﹗

Tonite is the nite.....

I arrived in HK......

04年Echo vs 97年Camry

一生一世嘅承諾

Snowy Valentine's Day

我們結婚啦!

12 生 肖 豬 年 發 財 運 【 馬 - 是 非 遠 離 】

揭開溏心雞蛋之謎

Happy 2007!

聖誕前小事記

反轉菠蘿蛋糕

北京向全球徵集譯名﹐糾正 Chinglish 菜名

12 生肖豬年發財運【馬 - 是非遠離】